话说今个星期《乘胜狙击》大结局啦，各位唔知有冇追呢？
今个星期睇《乘胜狙击》嘅时候，有一集嘅剧情睇到我O晒嘴。
剧中，陈秀珠饰演嘅丘月华畀人捉咗，一班主角去揾人，然后喺荒山野岭，范围太大，又时间紧迫，大家就要谂办法。
赵希洛就建议，用一个APP搜索出附近用微信嘅人，从而搵出绑匪嘅位置……
当时我嘅表情——
啲绑匪系菲律宾人，你同我讲佢哋会用微信？！
仲有，搜索几百米范围之内使用微信嘅人，呢个唔系“附近的人”功能咩？
同埋，荒山野岭，竟然有信号用微信？！仲可以下载APP？！
跟住，林子善讲出我嘅心声——
最后，
佢哋得咗！！！
哋得咗！！！
得咗！！！
咗！！！
又真系有菲律宾绑匪用微信，又真系畀佢哋有信号，又真系畀佢哋搵到绑匪嘅位置，我都唔知讲咩好！！！
讲起身，最近几年嘅港剧，“神奇”嘅剧情真系唔少，今日一于就盘点下！大家要做好心理准备啊！
讲起手机，如果话上边嘅剧情马化腾睇咗会沉默，咁下边就系乔布斯睇咗会流泪！
喺《使徒行者》之中，Kobe用手机电池进行偷听，获取情报，就咁睇好似冇咩太大问题。
然后神奇嘅一幕出现啦，佢将一块诺基亚电池装入一部苹果手机！！！
讲，你将乔布斯嗰“樽盐”摆喺边！
咁仲唔系最奇葩，TVB剧集之中，仲惊现双卡双待嘅IPhone！
仲有苹果外壳，安卓界面嘅手机！
道具组，你同我出嚟解释下！系咪喺淘宝团购599嘅IPhone手机！！
我突然间就开始怀念TVB用索尼嘅时代！起码唔会咁离谱！
而《爱·回家》之中嘅一幕，更加系讲手机穿帮发挥得淋漓尽致，唯有写个服字畀佢！
画面同手机完全脱离，而且我都会怀疑个画面就系一张相！！！好心你哋咪咁侮辱观众啦！
比起手机，港剧嘅黑社会更加惨！
《拆局专家》入边，我哋发现，依家嘅黑社会折堕啦，唔卖白粉，
改卖奶粉！！！
我已经可以想象，啲黑社会以前验货系开袋“索K”，依家验货系用滚水冲奶粉！！！
咁我都忍你，然后啲黑社会出现以下对话——
假奶粉害死人……
我哋求财，唔系求命……
大佬啊，你系一个黑社会啊！唔系红十字会啊！
你咁正义凛然，令卖粉嘅前辈觉得惭愧！
最后感受下来自我哋跛Co哥嘅鄙视！
如果你以为咁就算痴线，下面仲有更加痴线嘅剧情——
《实习天使》嘅大结局，洪永城饰演嘅杨志明失踪，就留底咗一段视频，同女主角祈乐告别，佢讲嘅嘢好似遗言咁，好似要去自杀！
吓到祈乐即刻夺门而出，去海边搵佢，然后发现咗佢嘅冲浪板，以为佢真系去咗自杀，喊到收唔到声！
然后当祈乐返去继续睇视频，先发现杨志明未讲完，其实佢只系离开香港，去国外医病！！！
然后祈乐即刻爆咗一句——
其实，我想讲——
你哋两个系咪都系变态噶！！！
一个留言好似讲遗言咁，讲嘢一截截，另一个睇嘢都唔睇全套，睇到一半就走咗出去！你哋两个真系天生一对！
而TVB离唔开嘅一个槽点，就系穷！一直穷得好稳定，道具服装一直跨年代用就已经讲过好多次。
而特效更加系冇乜进步，仲系渣到爆炸！
号称大制作、大投资嘅《僵》特效系咁——
你冇以为用咗快镜，我就睇唔出特效几差先得噶！
另一部台庆剧《无双谱》嘅特效又系咁，曾经喺微博引发好多人吐槽——
你哋特技组系咪做开Flash动画啊！
冇话同韩剧、日剧比，连旧版《无双谱》都比唔上，旧版起码搭景用心、场景妆容好睇！（旧版仲要系80年代！）
▲一个系思琪姐，一个系罗兰姐！
仲有，近年TVB畀人讲得最多嘅一个关键词，就系尺度大！
为咗吸引观众，引起关注，TVB编剧开始加入一啲重口味、大尺度、挑战下限嘅剧情！
《乘胜狙击》入边，第一集就男女主角“全裸”，咁都仲系小儿科！
《致命复活》之中，陈庭欣嘅一秒被女干，真系令人心痛演员！
《点金胜手》之中，胡定欣同徐子珊嘅女女湿吻，曾经引起过好多人讨论。（如果唔系胡定欣hold得住，咁就真系好尴尬啦！）
而《巾帼枭雄3》更加因为弓虽女干，又鸟女干等重口味戏份，而畀人删减雪藏，时隔几年先可以播出！
唔排除有啲大尺度戏份系必须，但如果下下靠挑战观众下限嚟博取收视，又点对得住自己曾经嘅金漆招牌！
今日就将住咁多先，
祝各位自己友周末愉快！
听日返工唔好迟到啊！
素材出自网络
羊城网负责整理编辑
最新评论