讲起TVB剧集，你可能未听过《大时代》，都可能未睇过《真情》。有一部剧，你一定睇过，就算你无睇过，但係佢首主题曲你一定识得唱两嘴：
嘿呀嘿呀嘿 嘿呀嘿呀嘿
团结一心有新转机
哪怕是万尺风浪
都可挽手冲天飞
嘿呀嘿呀嘿 嘿呀嘿呀嘿
团聚分享快乐园地
笑与泪在你我之间
人生多惊喜
听返哩首歌，真係《皆大欢喜》。
好多人会回想起十几年前晚晚食完饭就坐喺电视机面前，调去翡翠台，等够钟放哩部《皆大欢喜》。下至3岁，上至83、93、103都好，都中意睇哩部剧。简单啲讲，如果《皆大欢喜》係近几年先出嘅话，先唔讲哩部剧，佢首主题曲绝对会秒杀《小苹果》、《最炫民族风》成为各大公园广场舞头牌舞曲，绝对无之一。
讲返正题，《皆大欢喜》係一部处境喜剧。喺《皆大欢喜》之前有《真情》、《男亲女爱》、《FM701》等等，2001年春节推出古装喜剧《锦绣良缘》后，收视理想，故决定制作《皆大欢喜》。因为《皆大欢喜》收视率成绩靓仔，所以当时无线又开咗一部时装版嘅《皆大欢喜》。
《皆大欢喜》係无线电视继《真情》之后第二长嘅处境喜剧（哩个纪录畀《爱·回家》取代）。古装版开拍嘅时候，本来剧组打算拍100集左右（因为无线拍处境喜剧嘅习惯一部係100集左右，相当于依家一小时剧集嘅50集)。
《皆大欢喜》播出之后，受到广大观众嘅欢迎，收视率好高，所以一共延长咗将近200集，直到322集先大结局。2003年5月，“食过返寻味”嘅无线又推出原班人马主演嘅《皆大欢喜》时装版，共443集。两辑合共770集。
两辑《皆大欢喜》红透粤港澳，惗返起当时，梗会帮自己个严格班主任或者变态老细起个花名叫“万贵妃”，中意打小报告嘅刷鞋仔嘅叫“凌公公”，成日虾虾霸霸讲野大大声嘅就叫“万国舅”….师奶都係一样，行街买餸、洗菜煮饭嗰时实会唱两嘴“嘿呀嘿呀嘿 嘿呀嘿呀嘿……”
唔讲烂gag，佢哋演咗一出“烂gag”
点解《皆大欢喜》咁受欢迎？无论年纪大细，男人定女人，都一定会答：“搞笑咯。”
曾经有一位香港影评人咁样评价《皆大欢喜》，“烂gag人人都识讲，听得多就会厌。佢嘅成功之处，係将一个又一个烂gag通过演技表达出嚟，而且，今日睇家燕姐演烂gag,听日睇谢天华，后日睇阮兆祥，一啲都唔觉得厌”。
当然喇，《皆大欢喜》之所以成功，好大功劳都係演员够劲，先至演得出味道。不过《皆大欢喜》嘅演员实在太多喇，所以介绍其中几个大家最熟悉嘅老戏骨。
艺名刘丹（Danny Lau），真名刘庆基，男，1944年1月13日出生于山东省威海市，香港无线电视台演员。1977年加入香港无线电视台。1980年，在经典剧集《上海滩》中饰演大反派“冯敬尧” 。1983年，在黄日华、翁美玲主演电视剧《射雕英雄传》中饰演洪七公；同年在香港TVB版刘德华、陈玉莲主演电视剧《神雕侠侣》中饰演洪七公 。
薛家燕，1950年3月30日出生于中国香港，香港资深女艺人，七十年代的粤语片女星，港星中受人尊敬的女前辈之一。1959年，作为童星开始拍电影，处女作是《七儿八女九状元》；1978年，薛家燕转投电视发展，与黎小田主持一个名为《家燕与小田》的节目；1996年复出拍摄无线剧集《真情》，凭借“好姨”一角走红；1999年，TVB 票选“千僖年十大世纪最难忘角色”，凭“好姨”成功入围。
半日仙（萧亮饰演），《皆大欢喜》古装版同时装版都有嘅一个角色，佢可以话係《皆大欢喜》里面一个重要嘅NPC。可能大家对萧亮比较陌生，不过佢把声我哋绝对熟悉，嗰句雄浑有力“万千星辉贺台庆…..”就係萧亮读嘎喇。
一部成功嘅电视剧，梗係有佢经典嘅台词。
1、我并唔係浪得虚名嘎。——石美，当时真係人人都讲哩句话。
2、耶！好衰嘎！——凌公公，唔係讲笑，真係乸到无人有！
3、国师：洋人成日都讲一句话,“拉堆屎硬尖头鳗”。
郡主：咁核凸嘎？咩意思啊？
国师：啲洋人喺演讲之前一定要介绍佢身边嘅人，“拉堆屎”就是各位女士，“尖头鳗”就是男士的意思。
郡主：咁我咪变咗一堆屎?
4、哟,你个胸仲平过我个背脊。—–金日，金日嘴斗二嫂。
5、公公面前,人人平等——凌公公，剧里面凌公公真係一个奇葩。
6、我就係因为信你，先搞到今时今日咁嘅田地。
从我嫁畀你嗰日开始，我嘅高贵气质就少咗一半；
你考唔上文状元，我嘅幸福又少咗一半；
依家我支持你考武状元，我嘅金饰又少咗一半
你话喇，一个女人有几多个一半？——-金日抱怨老公高尔康无用。
7、公公报仇，十年不晚，保护公主，公公有责——凌公公
突然想追返《皆大欢喜》嘅老友记，唔洗担心无时间重头开始睇，《皆大欢喜》基本上每一集都发生唔同嘅故事，前后集之间关联唔会十分大，所以无时间但又想睇嘅话，可以跳几集再睇，一样咁搞笑。
而且，睇完古装版，仲有时装版。
本文由羊城网（ID：gznfnet）原创，转载请注明出处。
有声+手绘：小时候广州街边美食明信片
阿妈靓汤、生晒腊肠、阿婆咸酸……
带着记忆的味道，
不仅存在于舌尖之中，还能存在于声音当中。
羊记杂货铺现正有售：一套12款美食
每套零售价为￥15蚊
购买方式
淘宝购买：长按复制网址至浏览器打开http://t.cn/RqBo2wG
微信购买：长按以下图片识别二维码进入微店。
自提购买：广州越秀区建设六马路29号荣建大厦17G，请提前一天电话预约。
团购定制：欢迎产品团购或个性定制，享更多优惠。联系电话020-83195715-805
最新评论