经常喺TVB剧集里面见到，就算系普通家庭都住个装修唔错嘅三室两厅，客厅开扬光猛。但系你要知道，香港边得嚟咁多咁大嘅屋啊！《忠奸人》里面高哲行为咗千尺豪宅不惜出卖朋友、出卖恋人嘅时候，你系唔系以为佢嘅奖励会系咁样嘅一间屋？

错！喺香港所谓嘅千尺豪宅只不过系间90平米嘅中小户型，2016年香港平均楼价折合人民币325485元/平方米，而年人均工资都未到30万，条数你自己识计啦，唔饮唔食差唔多100年应该买的起嘅，唔包装修家俬电器……

TVB剧集里面嘅主角唔系医生就系律师，最衰嘅都有个警察做下，冇呢种工资高地位高嘅职业？唔怕，主角都可以系茶餐厅老板。连香港观众都笑“TVB入面冇穷人。”因为里面嘅穷人，穷极都有限啦！

但现实系，香港嘅穷人比电视里多得多，都惨得多。冇亲眼见过真系想象唔到佢哋嘅生活环境。棺材屋烂床位？天堂啦！再穷啲瞓天桥底？而且可以瞓喺天桥底嘅都系打得抽得嘎！

睇多咗TVB嘅枪战，有人就会幻想，香港街头系唔系经常发生枪击案啊？系唔系去个银行攞钱都会撞到劫匪啊？行行下街会唔会无端端就畀人爆头啊？

其实香港嘅犯罪率，喺全球都系数一数二咁低。不过周围都有阿sir行bit就系真嘅，如果唔系边得嚟咁低犯罪率啊？不过啲阿sir对啲老百姓最多只系会查下身份证，问下问题咁姐，而且态度都好好。

TVB里面嘅打工仔返工，从来都未见过佢哋做嘢嘅喔。警察，沟女、倾计。律师，沟女、倾计。医生，沟女、倾计。黄子华都话了，《男亲女爱》里面做60几集律师，但系一分钟律师嘅嘢都冇做过，净系同DODO拍拖。

真正嘅香港打工仔，你试下开工时间吹水啊，个豉椒炒鱿你想中午食又得，即刻食都得！就算老板唔喺公司你都唔会同人吹水，因为啲嘢根本就做唔晒！所以先话香港人压力大啊！

TVB剧里面最经典嘅，一到下昼就整个下午茶，跟住再继续做嘢。放工之后就成班人去Happy hour，真系爽咯！

下午茶，有嘅，不过边有时间出街食啊？叫外卖啦，而且仲系自己埋单啊！放工下班之后去Happy hour，呢个就睇人啦，身体好嘅浦到半夜，第二日9点准时上班。身体唔好嘅，放工食个叉鸡饭翻屋企啦！

TVB剧啲男主角，成日都揸部敞篷车出去就有女自己埋嚟，落吧连支酒都未上就有女过嚟畀Number，现实边有咁正啊。

睇样，OK？

TVB里面拍拖嘅情侣成日都去都爹利街。

其实都爹利街就系得条烂鬼楼梯，book间酒店好过啦！

逢亲分手就去中环9号码头，TVB定律。

分手都要择地方啊？

TVB将雪糕车呢行整红咗，剧中男女行行下街通常都会见到一部雪糕车，跟住男人去买，而且唔食排队，好顺利就买到！

清醒啲啦，你撞见一部雪糕车都求神拜佛了，就算畀你撞见，部雪糕车都一定排晒长龙，你排队嘅时间，话唔定你可以揾到间7-11，买个雪糕，饮杯嘢，book完酒店，买埋dumdum跟住截埋的士去酒店啊！

自己友Tee「为食人生」系列

预售期间每件99元