除咗曾江嘅美源发彩之外，83岁嘅梁舜燕Lily姐代言嘅唐太宗活络油都系经典广告之一。Lily姐喺服装间呼吁观众买活络油，制作简单、有啲老土但系好入脑，呢个由2000年开始每天中午或者宣传易时间播放嘅广告，一直播咗16年。
呢个广告最近换咗新版，代言人依然都系Lily姐，不过就换咗高清拍摄，经典台词「我拍戏周时用佢，冇介绍错㗎！」继续沿用，好亲切。
好多网友睇完新广告之后都觉得Lily姐保养得好，同16年前根本冇分別，仲靓咗添！
接受访问嘅时候，Lily姐仲话，十几年嚟，“唐太宗”每年都会畀返代言费佢！
年年有钱收，曾江当年代言嘅美源发彩，畀广告公司卖断，结果收咗一次钱，但系就畀人播咗十几廿年，Lily姐就醒目喇，年年计钱。
最后一齐回顾下那些年我哋睇过嘅香港经典广告
排名不分先后
▼
NO.1你今日饮咗未啊?——益力多（到依家都成日讲呢句话！）
NO.2 认住呢只鹰，真材实料有保证!——鹰牌花旗参茶
NO.3 无闭翳喇叭叫肚柯拜拜，吃番几粒精神晒!无有怕去公干游埠都带，喇叭一响 精神晒——喇叭牌正露丸
NO.4 1234567，多劳多得;星期一至星期七，多劳多得。——胃仙U（又系一句万人口头禅！）
NO.5 Kinder出奇蛋，一次过满足你三个愿望!——Kinder出奇蛋(细个真系好想买！）
NO.6 屈臣士蒸馏水，27层净化，滴滴清纯，一饮就知——屈臣氏蒸馏水
NO.7 雨绵绵，少穿衣，快食保济丸!肚痛夜，啰啰挛，快吃保济丸!去旅行，搭车又搭船(好晕啊)，快吃保济丸!——保济丸(记得细个嗰时，肚唔舒服就食保济丸)
NO.8 日本肝油丸，KAWAII呢!——日本肝油丸
NO.9 晒太阳咁叹调吖嗱，小心烧焦喔!又系烧粟米咁桥?一早知你系粟一烧!——粟一烧(阿葛把声嘅代表作)
NO.10 刘德华：“今时今日，咁嘅服务态度系唔够嘎!”——香港旅游发展局(依家都适用！）
NO.11 金龟唛，万里望花生，够甘香，卜卜脆，任何场合都要佢;金龟唛，万里望花生，Very good，卜卜脆，试一包包你中意佢——万里望花生
NO.12 “阿仔，系时候教你一啲做人嘅道理喇!”——绿箭香口胶
NO.13 月黑风高杀虫夜，黑旋风忍者为民除害，唔使用剑嘎，用黑旋风就得嘞——黑旋风够嗮威，黑旋风的确好使!——黑旋风
NO.14 如果太多牛奶味，朱古力味冇定企，等到朱古力味返番嚟，牛奶味又唔争气，(维他朱古力奶有牛奶味又有朱古力味)啱味，啱嗮你!——维他朱古力奶
NO.15 速治灵，止屙速速灵!——速治灵（阿灿经典既广告）
NO.16 张德培：“头皮?No way!” ——飘柔(识得张德培，完全系因为呢个广告)
NO.17 宣传易，23443699，零速传播——宣传易片头(经典！）
你最中意嘅经典广告有冇上榜？
欢迎补充！
综合自八卦香港（ID：hkhk66）、腾讯视频、网络
自己友Tee「为食人生」系列
益街坊价每件99元
最新评论