最近阿咩追紧《幕后玩家》，《幕后玩家》中扮演黄宗泽个女嘅小妹妹，各位自己友应该同阿咩一样，根本唔知系边个。
佢叫黄雪儿，系TVB童星嘅新血液，黄雪儿啱开始演戏冇几耐。
喺《幕后玩家》入边见到佢有时候会紧张。（话晒同黄宗泽、萧正楠、张继聪演戏，换转我都会紧张！）
细细就可以同我男神黄宗泽演戏，见过咁多演员明星，真系觉得自己童年好平淡……
呢几年，唔止系主演，TVB连童星都大换血，出现咗好多可爱趣致嘅新面孔，今日就盘点下TVB近几年嘅新童星，顺便回忆下大家都熟悉嘅旧童星。
香港童星，他曾拍摄过多个广告，以万宁广告最令人印象深刻。2010年开始参与拍摄电视剧。
代表作：《紫禁惊雷》，《我的如意郎君》，《造王者》，《大太监》，《金枝欲孽2》。区珀豪基本都系扮小皇子、小皇帝，真系帝王专业户！
讲起帝王专业户，阿咩谂翻一个旧童星，系《宫心计》之中饰演少年李怡——
阿咩上一次见到佢做戏，系《荃加福禄寿》之中嘅施葛，由于怀上怪病而冇办法长大，同钟嘉欣饰演嘅施影，系一对恋人。
刘彦夆，英文名ALVIN，出生于2005年，TVB新进小戏骨一名。
代表作：《铁马寻桥》《读心神探》《名媛望族》《猫屎妈妈》《使徒行者》
喺《猫屎妈妈》之中饰演“包租公”，黄宗泽个仔，人小鬼大，鬼马可爱，经常讲好多金句。
《使徒行者》之中，饰演欢喜哥个仔，星仔，因为佢嘅死，令欢喜哥觉悟。
喺2005年2月（届时七岁）参加残酷一叮，连续三届夺得残酷一叮台主，后进入无线拍剧。
喺残酷一叮唱《习惯失恋》，与华仔同李克勤嘅搞笑问答令人印象深【强烈建议大家重温一下，非常鬼马】。
莫凯谦属于古灵精怪、人小鬼大嘅类型，最近几年少拍戏，阿咩记得佢前一个角色系《大太监》入边嘅安泰。
2008年出生，香港广告儿童模特及儿童演员。2011年当上杂志封面而开始熟为人知，其后接拍广告被广大媒体称为“美心妹妹”。
2013年首次拍剧《爱我请留言》，饰演黄浩然个女乐悠悠，令好多观众记住咗佢，戏入边萌到爆灯，随便一张剧照都非常可爱！
喺电影《杀人犯》之中，饰演郭富城个仔，真实身份系郭富城嘅哥哥，患病而无法长大，全片真正大boss，演技爆棚，邪恶嘅眼神令人久久难以忘怀。
同郭富城做对手戏，嗰时嘅佢得五岁，各位自己友，你哋五岁嗰阵又做紧咩？
TVB艺人林子博嘅女，林咏渝系TVB金牌监制李添胜嘅御用童星。
林咏渝畀阿咩感觉就系，一个不食人间烟火嘅清纯小仙女，不过佢唔止演女仔可爱，反串演男仔都毫无压力！
讲到清纯仙女，不得不提阿咩心中嘅另一位童星女神——
代表作：《我和僵尸有个约会II》《西关大少》《帝女花》
阿咩接触港剧，就经常见到佢演戏，佢细个嗰阵非常清纯乖巧，简直系女神级别。
而家仲会活跃喺娱乐圈，不过大个之后，感觉同以前好唔同，阿咩一时间都认唔出。
阿咩最中意佢演嘅少年长平公主，同少年周世显，简直系金童玉女。（角色出自《帝女花》）
之前追《城寨英雄》，阿咩就发现左一个熟悉嘅童星面孔——
TVB元老级童星，幼年就开始拍戏，曾参与无线多部电视剧集及电影嘅演出，被香港电影界普遍认可嘅童星演员。
比起其他童星，多数选择回归学业同普通生活，李日升依然坚持演戏，同埋佢嘅演技真系越嚟越好。
喺《城寨英雄》入边，佢饰演一个轻度弱智嘅人，表演非常出色，讲嘢速度、面上表情同肢体动作都十足传神，令人觉得佢真系一个“傻”仔。
佢多年喺台前磨炼嘅演技，阿咩感觉都喺呢部戏度大爆发，阿咩非常期待佢以后嘅发展。
或者有一日佢会做男一号，我哋可以见到又一个从童星发展到当红小生嘅好演员。
唐宁大家都好熟悉，无需多加介绍，唐宁就系从稚气童星发展成当家花旦，为我哋留底好多经典角色。
TVB仲有其他好多童星，比如——非常出名嘅王秉熹、王树熹兄弟。
佢地近况：两人都以学业为重，大哥就嚟大学毕业，细佬今年都升大学啦。
不同于上边王氏兄弟嘅可爱派，丘氏兄弟系行俊朗路线，长大之后，两个人依然好靓仔。
无论呢啲童星，系坚持演戏，定系回归平凡人生活，阿咩都好感激佢哋嘅付出，为我哋带嚟欢乐同难忘嘅回忆。
童说岭南系列丛书
《街巷探秘》、《广饮广食》、《小脚走古迹》
同小朋友一齐分享好多广州人都唔知嘅古仔！
最新评论