点击播放歌词MV

《你叫黑悟空，我似黑勞工》

你叫黑悟空，我似黑勞工；
你係天命人，我係工具人；
你封鬥戰神，我得打工魂；
你住水簾洞，我瞓水泥窿！

西遊頂盡八十一難，現實祗有更悽慘；
老世吩咐即刻辦，客戶刁難笑開顏；
勞心勞力冇得揀，傷心傷神好艱難；
半夜返歸喫冷飯，萬一攤直就甩難。

你去搵玉帝，我要交電費；
你有跟斗雲，我揸電chicken；
你愛打妖怪，我畀日頭曬；
你有自己友，我係打工狗。

我命由我不由天，直面天命一頭煙；
頻撲勞碌人都癲，你哋打機我忙先；
照肺奉旨企前面，做牛做馬畀人鞭；
捱生捱死到死線，何日才見出頭天？

Wow~