点入去之后，文章内容原来系咁——

作为一个公众号小编嘅我，都不得不写个服字畀位小编！

如今嘅标题党，公众号同今日头条可以平分天下，而喺两者出世之前，有一种媒体曾经称霸标题界，可以话系标题党嘅始祖！

呢个就系港媒啦！

香港八卦杂志标题嘅特点就系——

点贱格点嚟！

点低俗点嚟！

点出位点嚟！

“八卦”系从香港传出嘅流行语，关于八卦杂志嘅由来，有个有趣嘅说法。

所以，今日一于就嚟重温下香港八卦杂志嘅起标题功力！（本文仅针对港媒嘅遣词造句，对于报道嘅真伪是非均不作讨论！）

首先，好多媒体会评论明星嘅外貌，不过港媒更加多系贬低明星嘅颜值（尤其系女明星）！

当年Angelababy嘅零波排骨就系一个经典嘅例子！

狗仔通常会特登刊登一张影得最丑嘅抓拍照，然后用极其尖酸刻薄嘅语言踩低明星外貌！

比如形容女性身材走样，通常用面肿、巨趸、肥腩、粗髀、暴瘦之类……

所以喺香港做女艺人都真系好惨！一唔小心就会畀人影到丑照，添油加醋踩你个样！

就连李英爱都冇办法逃脱港媒嘅毒舌！畀人话面皮下堕！

李连杰都会畀人怼！

当然，有时候港媒都会刊登啲靓相，不过啲配字就依然系贬低嘅意思。

前有李珊珊嘅“八字波”！（我只可以讲，真系形容得好生动……）

后有徐子珊嘅“厚唇吸盘嘴”！

然后我哋嚟睇下薛凯琪嘅“改头换面变B餐”“倒模谢安琪”（暗指薛凯琪整容）！

最狼死嘅莫过于景黛音畀人喺街边抓拍，真人同自拍差天共地，美魔女形象一去不复返！（隔离仲要陪埋梁朝伟嘅设计对白，你话绝唔绝！）

有阵时你都咪话，香港八卦杂志标题嘅动词真系丰富又生动，齐全过睇粤语词典！

港媒常用字：嗒

（形容男女之间勾搭，相互产生情愫）

港媒常用字：断正

（做错事畀人啱好见到）

港媒常用字：追

（常用于明星夫妇生完一胎之后，想再生第二胎）

港媒常用字：谷

（强力推动做某事）

港媒常用字：围+某个动词

（形容一个人被一群人围住攻击，孤立无援）

仲有啲动词比较少见，第一眼睇都未必知道系咩意思。

比如话

“界刂”为香港用字，代表男女之间追求，多数形容唔长久，玩下就算嘅感情

又比如

“?”为粤语方言字，原意为吐（比如?饭应），又有纠缠、缠磨嘅意思。

而有啲动词虽然唔陌生，但系用喺一啲场景，真系浮夸得嚟又极具画面感！

为咗搏眼球，港媒用词会非常夸张，最常见就系用“丧爆狠激狼”搭配任何一个动词，以制造爆炸性话题！

呢啲标题简直同“震惊了13亿人”“不转不是中国人”“朋友圈都传疯了”有得一挥，真系令人忍唔住会翻开本杂志嚟睇！

为咗销量，港媒曾经发明过好多令你自叹不如嘅创意标题。

谐音起标题不过系小儿科洒洒水！

如果明星夫妇离异，有子女嘅情况下，某一方畀赡养费或赔偿金之类，就会被形容为“交赎金赎仔女”！

今个星期电视剧播到某个高潮剧情，就会用“高潮位”嚟形容！

形容错综复杂嘅情感关系，港媒嘅形容通常同食物或进食有关，香港果然都系饮食男女！

行咇，由“行Beat”音译而来，指警察巡逻，有一次港媒将其引申为结伴出行！（至于出行做咩，自己睇啦……）

用“环保情痴”“回收”形容二人旧情复燃，真系有创意过内地媒体！

而我觉得最令人无法反驳嘅标题就系邓丽欣佟排球女教练嘅“同姓恋”（唔系“性”）！

睇完上边啲例子，你系咪都我一样，佩服到冇晒声出呢！

港媒嘅创意真系无下限，

只有你估唔到，冇佢哋谂唔到！

各位自己友心目中

将粤语发挥到极致嘅例子系边个？

图片素材出自网络。

本文由羊城网原创，未经授权禁止转载。